「 我又點會唔明白你嘅內心
我又何嘗唔係想搵人瞓一瞓
所以先扮拘謹等你勾引
又估唔到你真係會咁易當真 」
《今晚講嘢夜唔夜》My Little Airport
呢個唔係音樂評嘗，只係想講一個關於我自己嘅體會，但係一路唔知點開頭，唯有用呢首歌嘅歌詞。父權制度下，認為男人比女人性需求大啲，會係勾引女人嘅角色。細細個屋企同我講相關嘅嘢，都會預設咗男人好色，叫我小心啲俾人食咗。可惜，鬼叫我永遠同大眾作對，我偏偏都衝破咗佢呢個預設，歌詞講得冇錯，我真係會扮拘謹，然後等你勾引。其實好似演緊場戲咁，結局都係成功被勾引的。當然我冇興趣嘅人，首先一定唔會扮拘謹先，其次對方都唔會成功。成功勾引到我嘅人，佢一定好開心，因為佢唔知道背後個故事係由我操作，唯一有可能會覺得我好易就可以約到，然後慢慢冇心機再勾引我。
最後，我係呢場戲嘅導演，你以為勾引到我好開心？哈！其實都係我肯咋～我都有需要㗎！
BTW尋日黐線地寫咗啲文字，叫《2230才回家》，我即刻諗起上面嗰句歌詞
#你係咪以為我要講啲好深奧嘅議題
