點解鐘意咗BDSM?

 點解鐘意咗BDSM? 我想從根本探討呢個咁個人嘅問題。 我覺得被人控制同管住好有安全感，由細到宜家屋企人都唔係話好正面地關注我嘅情緒，或者係佢哋對呢樣嘢0知0了解，唔識處理。

小經歷：前幾年我有少少depression，有次好似係同屋企人嘈交，之後就自己一個喊。好記得...阿媽拎住把廚房刀，好大聲同我講：「咁鐘意死！咁想介手 我介囉」大概係講咗呢啲說話，佢又真係攞起把刀fing向佢隻手度幾下，我望住好驚好驚，喊得更加勁，想停止佢，但冇做到。

我屋企處理事情大概係咁，雖然呢個經歷係最誇張嘅一次，但我會話唔會俾到情緒支緩、價值俾我囉，所以宜家喺屋企都費事俾佢哋見到情緒唔好嘅一面。其實壓住壓住難免有啲辛苦，that's why 要靠其他嘢去幫手，BDSM便是其一，有人關注嘅感覺好正，有人願意聆聽自己想法，互相尊重嘅情況下同對方進行既溫柔又粗暴嘅調教，我有份做主導嘅角色，要玩乜唔玩乜都有得決定。至少我可以做返自己，而唔係扮…