HK Pride Parada 2024

 香港同志遊行2024

今年繼續冇得遊行，同上年一樣喺觀塘The Wave搞市集。估唔到自己今年第一次join就有份做攤主，同其他夥伴一齊睇住GSC嗰攤，幫GSC賺錢hehe!不過其實我都冇好努力咁成幾個鐘留喺自己嗰攤度，起碼有六成時間都周圍行 周圍玩，都要感受下Pride Parada嗰市集氣氛嘅～

Day1我一放學，Lunch都冇點特別食，就飛咗去幫手。估唔到一去到我竟然搵唔到GSC喺邊lol，行咗個圈都見唔到，真柒…原來一入門口第二個攤就係…仲要已經有幾個人幫緊手，我以為自己要做即刻織彩虹旗嗰位添～咁我就唔做了～變咗同frd子行下吹水。

我總共行咗六次rainbow shower，少癲。

 

笑死，我哋一齊去R免費嘢，嗰度啲嘢真係好高質！不過唔知點解攞咗一堆condom…但我冇呢個需要:) 仲攞咗堆潤濕劑，呢個有用，但我怕太多用唔晒…有需要嘅人我可以送啲俾你的^^

Day2原本我要晏啲3、4點先嚟，但我又早咗到，見到今日有啲新攤位，我又去咗行了～（BTW我都有on duty的）惟一洗咗十五蚊買咗杯即冲熱茶解下渴，真係好熱。仲去咗試一次占卜，真係講得幾準！！好surprised ! 

四個發現占卜幾有料的girlsss:

我早咗走，因為諗起自己仲未溫書做功課;( 鯨落話諗住請我哋食飯喎～下次啦 我記住㗎～

《時代的孩子》

 《時代的孩子》辛波絲卡

我們是時代的孩子

這個時代是一個政治的時代

所有你的　我們的　你們的 日常和夜間事務 都是政治的事務

不管你想不想要 你的基因有政治的過去 你的皮膚有政治的色彩 你的眼裏有政治的神情

你說的話　有政治的回音 你的沉默　訴說著許多話語 橫著看豎著看都是政治性的

甚至當你走入森林 你也踏著政治的步伐 走在政治的地面上

非政治的詩也是政治的 天空中懸掛著月亮 那已經不只是月球 活著或是死亡　這是個問題 什麼樣的問題　回答吧親愛的 這是個政治的問題

你甚至不必身而為人 才能具有政治的意義 你可以只是石油 糧草　或是再生原料　就已足夠

或者是舉行會議的那張桌子 他們為了它的形狀吵了好幾個月 到底要在方桌　還是圓桌旁邊 進行攸關生死的談判

在此同時人們橫死 動物暴斃 房屋燃燒 就像在久遠以前

不那麼政治化的時代

本詩選自《給我的詩：辛波絲卡詩選 1957–2012》

第一次聽到呢首詩係因為MLA，又係MLA haha：）隔咗一排諗返起，就想深入了解下佢係講咩的。

我哋都係時代嘅孩子，世界嘅混亂，人類嘅爭執、快樂、所有情緒，都同政治有關。唔講都唔知，原來又幾真，混亂多數來自戰爭，爭執來自人們的睇法唔同，好多好多矛盾嘅根本唔係因為法律嘅漏洞，就係歷史留下嘅後果。盡管有人政治冷感，世界畢竟係由政治主導，係要跟住規則玩遊戲先有好日子過。

「這個時代是一個政治的時代」

《三月來的少女》

 《三月內的少女》

三月來的少女
你的笑容讓我感到幸福
看著我笑得如此燦爛的
懷疑我不是有讓你開心
作為一個不完美的人
讓我感到非常羞恥
三月來的少女
你的笑容讓我感到幸福
很少見過我笑得如此燦爛的人
差點我以為自己是一個很好的自己
多謝你

MLA《今晚可能好大風》live version 同以往唔同，今次有法文阿雪、英文阿Nic同中文Ming Ming，把聲都好溫柔。嗰日首詩嘅結尾佢多謝咗二類人，第一個係屋企人，第二個係同伴

「你唔係我完美嘅爸媽 我都唔係你完美嘅囡 多謝你做我爸媽」

「你唔係我完美嘅同伴 我都唔係你完美嘅同伴 多謝你做我同伴」

今晚可能好大風2024 live

 16/11/2024 係MLA今晚可能好大風嘅第二日

過嚟嗰陣，估唔到會落咁大雨…咁我出門嗰陣帶咗一件雨褸同埋一件（好似可以防水嘅）風褸，咁佢話要入返去買雨褸，結果冇晒。咁冇辦法啦！入場嗰陣都叫有少少停咗雨，但係條龍差唔多霸晒成條海旁嘅路，少少攰咁，排排吓又開始有少少毛毛雨，好彩都叫順利入場，仲要行到比較前嘅右側位置，始終因為落雨，啲人可能行開咗去其他位，所以先行到咁近個台度，同埋嗰邊開遮唔怕遮到人（其實會場係唔開得lol）

正常就8:15p.m.開場，但係都係遲咗around 10分鐘成隊Band先出嚟，仲要因為啲人未入晒嚟，頭幾分鐘變咗吹水環節XD ～之後就開始第一首歌，但係去到唱《迷人的頸巾》嗰陣，唱到一半突然冇哂聲，之後阿P喺佢本簿度大大隻字寫住「跳咗電 sorry:(｣，等候回復期間，大會嘅cam 影到觀眾舉嗰啲用嚟點歌嘅牌，影到《悲傷的採購》嘅時候，突然有一個人唱咗呢首歌，然後成班一齊唱！雖然只係唱咗一小段，但係我有啲感動，隻眼留咗少少出嚟嗰啲應該唔係雨水。之後去到第三首歌（好似係）再一次唱唱下斷電。再下一首完咗之後，佢哋話搵到個新位置可以攞電，又等咗一陣，不過今次個mic仲喺度，佢喺本簿度畫咗個過三關 同我哋一齊玩，但係佢太好人，玩咗兩局都係我哋贏OwO 

之後除咗我隔籬有人突然暈低咗之外，大概都一切正常～只不過估唔到咁快就過咗一個鐘…兩個鐘…好似唱得幾首歌就到點歌環節。唔知點解今次特別唔好彩，又落雨，電話又唔夠電，又跳電…不過我都係好high咁un住un住，對鞋入晒水，踩埋水氹都係咁hehe  

Btw我全程左手手臂夾住一盒蛋糕仔😂勁嘅係冇跌落地，但係個盒都濕咗同俾我壓扁咗，不過入邊啲蛋糕仲係完整無缺

最後送上一首《詩歌舞街》：

雨後的彩虹🌈

 好耐冇見過彩虹了！🥹今日竟然俾我補補下習見到！成班同學去晒窗邊度影🌈唔知係咪因為見到彩虹，今日group discussion 難得地冇輪到我！（其實係三個女仔差包剪揼我贏哂）好幸運囉！爆咗句「幸運之神」yea,that’s me 😎不過下堂到我講嘢啦😂

期待緊睇我第一次MLA嘅show

 好興奮！！聽日去睇MLA嘅live ><

第一次為咗睇演唱會 而叫阿媽俾錢買飛😂咁當然佢要跟住我，就買咗兩張飛（希望佢唔會全程好無奈咁睇LOL) 

前日出咗有得買咩周邊，原本以為有得買件粉紅色tee，但佢冇！！🥲已經諗住Carousell買，或者有人送hehe ～不過我send咗個list俾我阿媽，佢話好貴喎，咁我都未必會喺現場洗錢了。

Btw 其實前排都有諗住買部CD機，好似好有feel咁：）不過又要執下屋，有位先放到…

是有的！價錢around $350-400…但係最驚係冇我個size囉。

又一個新嘗試⋯⋯

 繼Patreon之後，我又玩新嘢了！

我要學寫Blog!!!

其實我都係咁啱碌碌下人哋個page，之後見到呢個網啲pattern幾有趣，有趣嘅位係佢會將你啲標籤分大細，個label 大啲就代表寫得最多文章係關於呢個label，細label都係咁嘅原理😂細真係可以好細😂我竟然因為咁覺得fun而開blog 💩不過迫自己寫下嘢都好～（雖然已經有本daily､有個Patreon)希望自己會更新多啲！唔好拖！

我諗下呢度主要可以share啲咩先～可以係up下性別嘢？我唔同有關身體嘅探索咁？總之係IG應該冇嘅嘢😆

順便宣傳下：

Patreon : patreon.com/piggybaoo

IG: @be_a_piggy